Ya Rab! mere sakoot ko naghma-saraai de Poet: Parveen shakir

Ya Rab! mere sakoot ko naghma-saraai de 

Zakhm-e-hunar ko hosla-e-lab- kushaai de 


Lehje ko ju-e-aab ki wo nae-navaai de 

Dunia ko harf harf ka behna sunaai de


Rag rag mein uss ka lams utarta dikhaai de 

Jo kaifiyat bhi jism ko de intahaai de 


Shehr-e-sukhan se rooh ko wo aashnaai de 

Aankhein bhi band rakhoon to rasta sujHaai de 


Takhayyul maahtaab ho,izhaar aa’ina 

Aankhon ko lafz lafz ka chehra dikhaai de 


Dil ko lahu karooN to koi naqsh ban sake 

Tu mujh ko karb-e-zaat ki sachi kamaai de 


Dukh k safar mein manzil-e-na- yaaft kuch na ho 

Zakhm-e-jigar se zakhm-e-hunar tak rasaai de 


Main ishq-e-kaa’inaat mein zanjeer ho sakooN 

Mujh ko hisaar-e-zaat k shar se rehaai de


PehroN ki tishnagi pe bhi saabit-qadam rahooN 

Dasht-e-balaa mein,rooh mujhe karbalaai de 



Poet: Parveen shakir

Advertisements

Leave a comment

Filed under Urdu Poetry

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s